|
“The Perfect Cappuccino Award” |
|
|
ORANJESTAD, Aruba – 2008: Despues di 8 siman cu e grupo di “Mystery Coffee Tasters” a bishita e Café y Restaurantnan cu ta cliente di Smit & Dorlas Caribbean N.V. awor ta asina leu cu a saca e ganador di e promer “Perfect Cappuccino Award”. Mester menciona cu e competencia tabata hopi fuerte entre e Top 5 Cafe y Restaurantnan pasobra nan puntuahe tabata hopi serca di otro. Esaki riba su mes caba ta un bon noticia, dunando nos un indicacion di e nivel halto di servicio y preparacion cu nos cafe y restaurantnan ta duna na e producto aki.
Orguyosamente por menciona cu e ganador di e prome “Perfect Cappuccino Award” a resulta Bingo Café & Restaurant. E top 5 restaurant y cafénan despues di Bingo Restaurant ta Coffee Boutique (situa na Occidental Grand Resort), Café The Plaza, Grand Café Tropical, Chaos Café y tambe Delifrance. Bingo Café & Restaurant a sali e ganador di e competencia aki cu un puntuahe hopi halto y cumpliendo cu tur e rekisitonan y criterianan cu e competencia tabata rekeri. E criterianan mas importante di e competencia tabata entre otro evaluacion di e base di espresso, e balance perfecto entre espresso, lechi y e foam. Consistencia di e foam, evaluacion di sabor. Un punto importante tambe tabata si e Cappuccino ta wordo visualmente bon presenta, esta si no tin koffie den e scotter y si ta usa e topping correcto. Un otro criteria hopi importante ta si e copie di koffie ta duna un “Reflejo Total” di productonan di Smit & Dorlas. Esta...si e ta wordo presenta cu e sucu, lechi, koeki, porselana, coaster pa pone e koppie riba dje di Smit & Dorlas mes. Den e caso aki por menciona cu na Bingo Café & Restaurant bo coffie ta duna e “Reflejo Total” aki. Tur e participantenan na e competetencia lo ricibi di Smit & Dorlas un carta cu e evaluacion di nan cappuccino. Specialmente pa esnan cu no a score halto esaki lo yuda nan paga atencion riba e puntonan cu ta rekeri mehoracion. Mester menciona cu Coffee House di Smit & Dorlas Caribbean N.V. tambe tabata un di e participantenan pa e “Perfect Cappuccino Award”. No obstante cu Coffee House a score un di e mas haltonan entre e participantenan, toch a scohe pa e no participa den premio como cu e ta parti di e compania. Asina mes mester manda un palabra di pabien na e personal di Coffee House pa nan profesionalismo den trahamento di Cappuccino. “Cu esaki nos kier demostra cu nos no ta solamente bende un producto, pero nos ta para su tras tambe. Pa nos ta importante pa bende nos producto cu e nivel di calidad y servicio di mas halto posibel. Es mas, di e forma aki nos ta duna un contribucion na hisa e calidad di servicio general den e sector HORECA”, asina Danique Nicolaas di Smit & Dorlas Caribbean N.V. a bisa na momento di anuncia e ganadornan. El a añadi cu Smit & Dorlas Caribbean N.V. ta masha agradeci na e 6 “mystery coffee tasters” nan cu a haci un tremendo trabou, cu hopi enthusiasmo, dedicacion y pa nan bon cooperacion pa a logra e exito di e competencia aki. “Nos ta masha orguyoso si cu nos producto ta masha gusta den tur e cafe y restaurantnan aki y cu e publico ta demanda pa un Smit & Dorlas ora ta referi na un bon koffie”, asina Nicolaas a termina bisando cu un sonrisa cu hopi satisfaccion riba su cara.
|
