| Aventura En Curacao En Concierto |
|
|
 WILLEMSTAD – E cuarteto mas popular di actualidat. Romeo, Lenny, Max i Henry ta e cara di ‘Aventura’, e banda di bachata mas popular aktualmente rond mundo. Ta falta masha tiki pa mira e agrupashon aki presentá y espectativa ta sumamente grandi pa nan presentashon na Corsow.
Algun fanátiko te hasta ta pronostiká ku Kleine Werf lo keda chikito pa e consierto aki. E weekend di bachata ta bai bira algu grandi sigur, diabierna lo tin presentashon di Luis Miguel del Amargue y El Chaval miéntras cu diasabra e ‘krem de la krem’ Aventura lo ta riba tarima pa presentá tur nan exitonan pa su fanátikonan di Corsow,Antiyas y Aruba. For di ‘Obsession’ te ‘Mi Corazoncito’ lo zona djasabra dia 2 di augustus. Karchinan pa sekshon di First Class (VIP) a kaba for di sigur dos siman pasa y awor ta karchinan pa Business Class na rason di 175 florin inkluyendo 6 bebida grátis i pa sekshon general na rason di 125 florin bon pa tur dos fecha di konsierto ta optenibel na Tik Tak, Mensing’s Caminada, Beep Beep i na ofisina di Hart & Private situá na Dr. Maalweg. Buska di bo tempran pa bo no tin di lamentá. |
