|
Digicel Premia La Torta Mas Creativa |
|
|
![Bolo Visual [front].jpg](images/stories/noticias/2008/Bolo%20Visual%20[front].jpg "Bolo Visual [front].jpg")
Ta parse cu pa e gran celebracion di e prome lustro di Digicel Aruba, ta masha bolo lo tin pa parti. Net un dia prome cu e celebracion di e 5 añanan di Digicel, a organisa un evento na unda Digicel ta busca e bolo mas creativo pa celebra nan fiesta.
E compania cu mas ta creciendo na Aruba, Antiyas, den Caribe y awor hasta den Centro America a anuncia di lo regala e persona cu traha e bolo mas creativo un bunita premio di mil florin. E evento mes ta programa pa tuma lugar den Renaissance Convention Center na unda cu tur hende por participa. No ta importa ni con grandi of con chikito e bolo ta, pero locual Digicel ta buscando ta e bolo di mas creativo pa celebra nan 5 añanan na Aruba. Tur aficcionado den trahamento di bolo ta invita pa inscribi gratis via 733-8383 pa participa na e evento di dia 14 di juli cu ta cuminsa for di 5or di atardi caba. Entrante 6or di atardi ta invita tur hende pa bin mira tur e bolonan cu a inscribi nan mes na e evento aki. E bolo di mas creativo, teniendo cuenta cu e logo, colornan di Digicel, nan prome lustro y e cambio cu nan a haci den e mercado di celular na Aruba lo tin chens di gana e gran premio di Afl. 1.000.00 cash! Separa di e premio gordo aki, lo tin un cantidad di otro premionan di consuelo mas na e participantenan, entre otro celularnan nobo-nobo, credito na yamada gratis, etc. Mester tene cuenta cu tin un limite di participacion, pesey ta pidi tur hende pa inscribi mesora pa asina sigura bo participacion den e competencia di e bolo mas creativo pa celebra e prome lustro di Digicel. Claro cu despues di e evento, e pueblo di Aruba engeneral por purba e bolonan cu a participa na e evento aki.
|
![Bolo Visual [front].jpg](images/stories/noticias/2008/Bolo Visual [aua].jpg "Bolo Visual [front].jpg")
